INIp akisussaaffik qimarratigaa
Mona Steenholdt ukiorpassuarni utaqqereersimalluni INI-mi inissiamik pissarsivoq. Nuuttussanngorami paasivaa inissiaq sussaanngilluinnartoq. Tamanna sanasut akisussaaffigaat, INI oqarpoq.
27-nik ukiulik Mona Steenholdt Tuluit Nunaanni USA-milu ilinniareersimalluni majimi timmisartortartutut naammassivoq. Illoqarfimminut Nuummut uterami blok P-mi inissiamik neqeroorfigineqarpoq septemberip aallaqqaataani iserterfigisinnaasaminik. Inuuneq nutaaq aallartissinnaalissavaa. Nammineq taama eqqarsarpoq.
– Marlunngornermi isertertussaagama tallimanngornermi viceværti isumaqatigiissuteqarfigalugu saagiliornissannut igalaanik uuttortaajartorpunga. Inissiamut iserama annilaartorujussuuvunga, inissiarmi iserterfugeriaannaanngilluinnarpoq, Mona Steenholdt oqarpoq.
Inissiaq qalipanneqarsimanngilaq, kiassaatit ikkunneqarsimanngillat, igalaat sinaasa qisuttaat aanikuupput, igaffimmi iikkat iluarsaanneqarsimanngillat, errorsivilerniarlutillu ilisivik, erruiviup akianiittoq peersimavaat.
– Attartornissaq pillugu INI isumaqatigiissuteqarfiginikuuara, ineqarnermut siumoortumillu qularnaveeqqutinut akiliinikuullunga, inissiarlu najugarisara taamaatereernikuullugu. Internettimik piniarnikuullunga, innaallagissamut kiassarnermullu tunngasut isumagereernikuullugit, inuit aqqinik nalunaarsuiffimmut nalunaareernikuullunga il.il. – sunaaffali nuussinnaananga, Mona Steenholdt pakatsisimalluni oqarpoq.
Allaaserisap sinnera Sermitsiami nr. 36-mi atuaruk...