Pinngortitaq allanngorneqanngitsoq illersorneqassaaq
Svalbardimi sumiiffiit arfineq-pingasut tikeraanut matuneqarput pinngortitaq allanngortinneqanngitsoq illersorniarlugu.
Longyearbyennimi oqartussaasut pinngortitami sumiiffiit arfineq-pingasut matuneqarnissaannut tamaani najugalinnut siunnersuuteqarput, tamanna tapersersorneqarpoq. Tamaanili najugallit piumasaqaatigaat sumiiffit tamaani innuttaasunut matuneqannginnissaannik.
Svalbardposten allaaserisaqarpoq sumiffit taakku arfineq-pingasut matuneqarniartut kulturikkut eriagisassanik peqarnerat pissutigalugu ernumassutigineqarmallu sumiiffinni taakkunani angalasoqarpallaalerpat pinngortitap aamma kulturikkut erianartut aserfallappallaarnissaat.
Aarlerinermut pissutaanerpaapput umiarsuarsuit takornarianik angallassisartut Svalbardimi uuliakkoortoornissaat.
ATUARUK ALLAASERISAQ: Sungiusarneq: Umiarsuaq sinersortaat ikuallappoq
– Svalbardimi tamatumunnga pinaveersaartitsinissamut aamma nalorninartorsiornermit allatut iliuuseqarnissamut piviusorsiornerusunik peqanngilaq. Ajutoorneq pereersimappat mingutsitsinerup killilersimaanissaa pisuni amerlanerni annikissaaq, kiisalu tamatuma kingorna saliineq annertuumik suliassaassaa nunavimmullu sanilliullugu akisunerussaqaluni, avatangiisinut ineriartortitsinermullu ministeri Erik Solheim tusagassiutitigut nalunaaruteqarluni allappoq.
TAKUUK WEB-TV: Ajunaarnersuarmik sungiusarneq