Sullissisut amerlanerit ilinniarluarsimasullu

Inunnik sullissisut amerlanerit suliaminnillu naleqqussarluarsimasut pisariaqartinneqarmata, Niuernermik Ilinniarfik ilinniagassanik nutaanik marlunnik neqerooruteqarpoq, ilinniarneqarsinnaalersuni inunnik sullissisut inatsisitigut ilisimasaqarnerunissaat anguniarneqarpoq.

Asseq: Lasse Kristensen/Polfoto.

Kalaallit Nunaanni inatsisilerituut aningaasaqarnermillu ilinniarsimasut amigaataaqaat. Taamaammat Niuernermik Ilinniarfik Nuummiittoq ilinniqqiffinnik marlunnik neqerooruteqarpoq.

– Inunnik sullissinermi tunngaviusumik inatsisinik ilinniarneq aammalu Inunnik sullissinermi inatsisinik ilinniarneq diplomeqalersitsisoq. Ilinniakkani marlunni pingaartinneqassaaq nunatsinni ajornartorsiutit atorlugillu ilaatinneqarnissaat. Soorlu ilinnigassat ilaanni inatsisilerinermi suleriaatsit aammalu nakkutiginninnermi inatsimmi Kalaallit Nunaanni eqqartuussinernit tunuliaqutit ineriartornerat atortinneqarnerallu ilinniartitsissutigineqassapput, Niuernermik Ilinniarfimmi Nunani tamalaani ataqatigiissaarisoq, Per Thomsen oqarpoq.

Namminersortut pisortanilu atorfeqartitsisut sulisumik ilinniakkamikkut qaffarsarnissaat angusinnaavaat akeqanngitsumik, taamaallaat ilinniagassat immikkoortuini peqataanissaannut sulinngiffeqartitsinermikkut.

Ilinniakkanik naammassinnittut ilinniakkat immikkoortui angusiffigisatit tamaasa allagartartaarfigissavaat, soorlu Juridisk Sagsbehandler Diplom suliamik soraarummeerutaasumik tunniussereernerup kingorna tunniunneqassasoq. Diplomitaarniarlutik ilinniagallit allaat Danmarks Forvaltningshøjskolemit diplominnassapput pisortat ingerlatsinerannik sullissisinnaasutut.

Powered by Labrador CMS