Bjørn Lomborg isornarttorsiorneqarpoq

Bjørn Lomborgip Kalaallit Nunaannut angalaarnera sakkortuumik isornartorsiorneqarpoq.

Bjørn Lomborg Venstret Konservativillu silap pissusaanut avatangiisinullu oqaaseqartartuisa assuaraat, avatangiisit pillugit nalornisaarisartoq misissueqqissaarfigerusuppaat.. Assi: Leiff Josefsen.

Venstret Konservativillu silap pissusaanut avatangiisinullu oqaaseqartartuisa Bjørn Lomborgip Kalaallit Nunaannut angalanera nuannarinngilaat.

- Uagutsinnut pingaaruteqarluinnarpoq Bjørn Lomborgip Kalallit Nunaannut angalanerata kiap akilersimaneraa paasissallugu. Pingaartumik angalaarnermini oqarsimappat Kalaallit Nunaata sila pillugu ataatsimeersuarnissarsuaq Københavnimi ingerlanneqartussaq tapersersussanngikkaa. Naatsumik oqaatigalugu, pisortat aningaasaataat atorlugit Lomborgip aliikkusersuilluni oqalugiartarsimanersoq paaserusunnarpoq, Konservativit silap pissusaanut avatangiisinullu oqaaseqartartoq Per Ørum Jørgensen berlingske dk.-imut oqarpoq.

Bjørn Lomborgip instituttia Copenhagen Consensus danskit naalagaaffiannit 2007-immit 2012 tikillugu 15 million koruuninik tapiiffigineqarpoq, taamaammat Eyvind Vesselbop paaserusuppaa silap pissusaannik eqqarsaatissiisartoq misissuiffigineqartariaqartoq.

- Aningaasat Bjørn Lomborgimut tunniunnerisigut avatangiisit pitsaanerpaamik illersornerivut misissuiffigeqqissaartariaqarparput. Isumaqarpunga aningaasat eqqunngitsumik atorivut. Isumaqarpunga Danmarkimi naalakkersuisut silap pissusaanut ajorluinnartumik politikeqarnerannik oqaluttuussisussamut aningaasaliisariaqanngitsugut.

Powered by Labrador CMS