Nunavumi ilisimatusarfik sulissutigaat

Iqalunni ilisimatusarfeqalernissaa anguniarlugu suleqatigiissitat pilersinneqarpoq. Uagut Ilisimatusarfippit ikiuunniarpoq.

Nunavummi inuusuttut kujataanukanngikkaluarlutik qaffasinnerusumik ilinniarsinnaalissapput. Assi: macleod.travis.googlepages.com

Issittumi ilisimatusarfimmik Canada kisiartaalluni peqanngilaq. Nunavummiut ilisimatusarniaraangamik Canadap kujasissortaanukartariaqartarput, ilisimatusarfittaassamilli pilersaarusiortoqarneratigut allatut periarfissaqalissapput.

Inuit Iqalunni The Ilitturvik University Societymeersut ilisimatusarfittaassamik pilersaarusiortuupput, knr.gl allappoq.

Ilisimatusarfittaassamik aqutsisuusussat marluk Kirt Ejesiak aamma Aaju Peter Nuummeeqqammerput, inuttut pisinnaatitaaffiit pillugit ilisimatusarfik ICC-p aqutaa kiisalu Ilisimatusarfik ataatsimeeqatigiartorlugit.

Nunavummi ilisimatusarfiliorniarneq Ilisimatusarfimmi rektorip Tina Parsip nuannaraa.

- Pilersaarutit aatsaat aallarnisarneqaleruttorput. Ilisimatusarfilli ukiuni 25-ni misilittagaqarfiuvoq, Nunavullu Kalaallillu Nunaat amerlasoorpassuartigut assigiissuseqarput, misilittakkavullu tunuliaqutaralugit tunniussaqarsinnaavugut, Nunavummilu ilisimatusarfiup piviusunngornissaa neriuutigaara, Tina Pars Radioaviisimut oqarpoq.

Powered by Labrador CMS