Inuusuttut qulit Ilulissat kangerluanni ulappupput
Unge udlændige bygger varder, maler tydelige markeringer i alle regnbuens farver og samler skrald i verdensarvsområdet Ilulissat Isfjord. Inuusuttut nunanit allaneersut inussuliorput, qalipaatigissaaqisunik nalunaaqqutsersuipput eqqakkanillu katersillutik Ilulissat kangerluani nunarsuarmiut kingornussaanni.
Juulip 20-anniit aggustip arfineq-pingajuata tungaanut Mellemfolkeligt Samvirke, Qaasuitsup Kommunia Ilulissat Kangerluata allffeqarfiallu suleqatigiillutik Ilulissat eqqaanni suliamut atasumik tammaarsimaarput, Naja Habermann Aron Petersenilu Ilulissat Kangerluata allaffeqarfiannit oqaluttuarput.
Mellemfolkeligt Samvirkep sulisussat pissarsiarai, Qaasuitsup Kommuniata ineqarneq, nerisaqarneq, angalaneq atortussallu akilerpai. Mellemfolkeligt Samvirke tammaarsimaartunik aqutsipput.
Ilulissat Kangerluanni suliap saniatigut Saqqami SMS-festivalimi ikiuupput. Nunaqavissunik suleqateqarnerup saniatigut aningaasarsiaqaratik ikiuuttut unnuami seqinnarissuup ataani qittanneq misigaat, soorlu kalaallit tamaani najugallit aamma nuanneqisunik misigisaqartut.
Inuusuttut kalaallit kulturiannik pinngortitamillu paasisassarserusullutik suleqataajumasimapput, taamaammat suliaqarluni tammaarsimaarneq kissaataannut assut tulluuppoq, suliaqaatigalutimmi kalaallinut qanillattoramik nunaanni imaannaanngitsumi, pinngortitami siunnersorti Naja Habermann oqarpoq.
Tallimanngorneq aggustip arfineq-aappaanni suliaq naammassillugu qaqqami nalliuttorsiualaarutigineqassaaq.