Kulusuup nalliuttorsiornera saqqummersitsinermik ammarneqarpoq

Kulusuup 100-nngortorsiorluni nalliuttorsiornera sisamanngornermi saqqummersitsinermik »Kulusuk 100 Kulusuk«-mik ammarneqarpoq. Nunaqarfiup aqutsisuini siulittaasup Pele Maratsep saqqummersitsineq ammarpaa, meeqqallu Kulusummeersut allagartat uleerpaat puisip amianik assersimasut.

Meeqqat suliaat puisip amianik assersimapput uleerneqannginnerminni. Assiliisoq: Boas Møller
Assersuutigalugu Kulusuk ukiut 100-t matuma siornatigut. Assiliisoq: Boas Møller
Meeqqat suliaat puisip amianik assersimapput uleerneqannginnerminni. Assiliisoq: Boas Møller Assersuutigalugu Kulusuk ukiut 100-t matuma siornatigut. Assiliisoq: Boas Møller Meeqqat suliaat puisip amianik assersimapput uleerneqannginnerminni. Assiliisoq: Boas Møller Assersuutigalugu Kulusuk ukiut 100-t matuma siornatigut. Assiliisoq: Boas Møller Meeqqat suliaat puisip amianik assersimapput uleerneqannginnerminni. Assiliisoq: Boas Møller Assersuutigalugu Kulusuk ukiut 100-t matuma siornatigut. Assiliisoq: Boas Møller

Saqqummersitsineq tassaapput allagartat immikkoortut pingasut, Kulusuk ukiut 100-t matuma siornatigut, Kulusuk ullumikkut aamma Kulusuk ukiut 100-t qaangiunneranni pillugit oqaluttuartunik.

Allagartat qaqqami mittarfiup aamma nunaqarfiup akornanni isikkivigissumi inissisimapput. Saqqummersitsinermi tunngavigineqarput meeqqat kulusummiut oqaluttuaat, isumassarsiaat aamma Kulusummik takorluugaat, sermitsiaq.gl allappoq.

Borgmester Asii Chemnitz Narupip meeqqat nuannaartut Kulusummilu innuttaasut peqatigalugit ammaanersiorneq peqataaffigaa.

Saqqummersitsineq alutornarpoq, aamma piviusunut, ullumikkut Kulusummi pisunut kiisalu meeqqat Kulusuup siunissaa pillugu takorluuinerannik ilumoorussillunilu quinartumik isiginnimmat.

Soorlu meeqqamik imminut supermanditut isigaluni titartagaq illumi inuk imminut nivinngarsimasoq takussaajutigaluni. Meeqqap oqaasertalersimavaa: Siunissami supermandiorusuppunga, inuit imminnut nivinngarniartut annaattarniassagakkit.

Quinartuni assersuutigineqarsinnaavoq allagartaq kokosnødimik nivingasortalik ukiut 100-t qaangiuppata, silaannaap allanngoriartornera pissutigalugu Kulusummi sunik nerisaqartoqarsinnaaneranik assersuutigineqartoq.

Saqqummersitsineq aaqqissuunneqarpoq Leise Johnsenimit aamma Annika Nilsonimit, aningaasaliiffigineqarluni ilaatigut Augustinusfondenimit, NAPA-mit, Dronning Margrethes fondimillu.

Powered by Labrador CMS