Kulusuk ukiunik 100-nngortorsiorpoq
Nunaqarfiup nalliuttorsiornerani qaaqqusarpassuit najuutissapput.
Kommuneqarfik Semersuumi Tasiilap nunaqarfittaa Kulusuk tunngavilerneqarnerminit 100-nngortorsiorpoq, nalliuttorsiornissamullu atatillugu immikkut qaaqqusarpassuit Kulusummut tikeraarput.
Nalliuttorsiorneq pisortatigoortumik ingerlanneqassasoq ulumi aggustip 6-aniit 8-anut, immikkullu qaaqqusat peqataassussat ilaatigut tassaapput Kommuneqarfik Sermersuumi borgmesteri Asii Chemnitz Narup, Nunami Namminermi Pissutsinut Naalakkersuisoq, Anthon Frederiksen Inatsisartullu siulittaasuat, Josef Motzfeldt.
Kulusuk qanga Qulusummik (isumaqarpoq timmissap qatia) taaguuteqarsimagaluartoq 1909-mi tunngavilerneqarpoq, innuttaasullu maanna 320-t missaanniipput.
Nalliuttorsiorneq ualeru nal. 13 aallartissaaq qaqqami erfalasunik amusineqareerpat meeqqat suliaat saqqummersinneqassallutik. Nereqatigiinneqassaaq, erinarsoqatigiit tusarnaartitsissapput, isiginnaartitsisoqassaaq, tivasoqassaaq kiisalu inussummik uleersisoqassalluni.
Naalagiaqatigiittoqarumaarpoq eqqaaniaasoqarlunilu, nalliuttorsiornerillu ulluni pingasuni ingerlanneqartussat naggataarlugit katersortarfimmi qittannersuaqassaaq.