Nunatta Atuagaateqarfia ammaqqilerpoq
Nunatta Atuagaateqarfiata marlunngorpat matuni ammaqqissavaa aasaanerani piumassuserinngisamik matoqqareeerluni.
Annonse
Atuakkanik nuannarisaqartut allallu Nunatta Atuagaateqarfianik atuisartut maanna nuannaarsinnaalerput erngup aqqutai ruujorit erngartut iluarsaanneqarmata.
Nunatta Atuagaateqarfia nittartakkamini, katak.gl-imi, nalunaarpoq marlunngornermi aggustip aqqarngani nal. 11 atuagaateqarfik ammaqqissasoq.
Atuakkat matoqqanerata nalaani utertinneqartussaagaluit kingusinaarneq pillugu akiliisitsisoqassanngilaq. Illoqarfimmit aallassagaanni atuagaateqarlunilu, taava 32 11 56-imut sianerluni isumaqatigiissuteqartoqarsinnaavoq atuakkat qaqugu utertinneqarnissaannut.
Nunatta Atuagaateqarfia matusariaqarsimavoq meeqqanut immikkoortortaqarfimmi sapaatit akunneri marluk matuma siornatigut erngup aqqutaasigut ruujorikkut erngartoqalemat.