Nunatsinni meeqqat allamut inissinneqartartut amerliartortut

Siornatigornit meeqqat suli amerlanerusut angerlarsimaffiup avataani inissinneqartarput.

Nunatsinni meerarpassuit angerlarsimaffiup avataani inissinneqartarput, kisitsisinngorlugu meeqqat inuusuttuaqqallu 6 procentii. Assiliisoq: Finn Frandsen/Polfoto.

Nunatsinni meeqqat inuusuttuaqqallu 6 procentii ullumikkut angerlarsimaffiup avataani inissinneqartarput, kisitsillu tamanna qaffariarpoq malunnaatilimmik kingullermik 1992-imi naatsorsuinermut sanilliullugu, tassani naatsorsuineqarmat meeqqat 0-imiit 17-it tungaannut ukiullit 4,3 procentii angerlarsimaffiup avataani inissinneqarsimammata. Massakkut kisitsisiusut 2006-imi kisitsisit naapertorlugit naatsorsuineruvoq.

– Tassa Det Nationale Forskningscenter for Velfærd Nunani (atugarissarneq pillugu Danmarkimi ilisimatusarnermi qitiusoqarfik) Avannarlerni angerlarsimaffiup avataani inissiisarneq pillugu sukumiisumik misissuisimaneranit qanittukkut saqqummiussaani tamanna erserpoq. Misissuinermi ilaapput Danmark, Sverige, Norge, Finland, Island aamma Kalaallit Nunaat, knr.gl allappoq.

Nunatsinni meeqqanik angerlarsimaffiup avataani inissiisarneq tulliusuminngarnit, tassa Danmarkimit, arfinileriaammik qaffasinneruvoq.

– Nalunaarusiami tikkuarneqarpoq qaffariaat arlalinnik pissuteqartoq. Isumaginninnikkut ajornartorsiuteqarneq patsisaasinnaavoq, kisianni aamma isumaginninnikkut ajornartorsiuteqarnerup amerlanerusunillu inissiisarfeqalernerup qitiutinneqarnerulernerat aamma patsisaasinnaapput, knr.gl allappoq.

Powered by Labrador CMS