Upernavimmi meqqanut klubbi
Orniguttarfik nutaaq ammarneqassaaq sapaammi aggustip ulluisa 23-anni.
Klubbi meeqqanut arfineq-marlunniit 18-inut ukiulinnut naatsorsuussaavoq.
- Klubbi meeqqanut inuusuttuaqqanullu ornigukkusuttunut tamanut naatsorsuussaavoq. Toqqissisimanartuussaaq inuunerminnilu anersaartorfissaqarnissamut pisariaqartitsileraangamik ornissinnaasaat, Dorrit Hermann, Red Barnetimi Nunatsinnut tunngatillugu suliniutinut ataqatigiissaarisartoq matuminngalu suliniummik ingerlatsisoq oqarpoq.
Ulluinnarni meeqqat 50-it illumik atuisarsinnaapput, periarfissallu ilaatigut ilagaat computerimik spillertarnissaq, bordtennissertarnissaq imaluunniit allat peqatit ilaginissaat. Toqqissisimanartuunissaanut inuit sisamat atorfinitsinneqarput, taakkunannga ataaseq pisortatut.
Villum Kann Rasmussen Fonden klubbimik pilersitsinissamut aningaasanik tunissuteqarpoq, sanaartorneqarnera, pequtai ukiorlu ataatsimi ingerlanneqarneranut aningaasartuutinut tamanut ukiullu tulliani aningaasartuutit 80 procentiinik matussutissiillutik. Red Barnet driver i forvejen to klubber i henholdsvis i Nuuk og Qaanaaq.
Eqqissisimaartarfik
Kalaallit meerartaasa pingajorarterutaat inuunerminni annertuumik ajornartorsiutinik naammattuuisarput, Red Barnet erseqqissaavoq. Soorlu qinngasaarneqarnermiit, angajoqqaat imigassamik ajornartorsiuteqarnerannut kinguaassiutitigullu atornerlunneqarnermut. Klubbi eqqissisimaartarfittut atorneqassaaq, tassaniinnerminni meeqqat inuunerminni atukkaminnik artornartunik eqqarsaateqannginnissaat siunertaralugu. Red Barnet aamma neriuppoq illumi aaqqissuussinerit assigisaannik pisoqarnissamut pinngitsoortitsisinnaajumaartut.