Arsartartut pissartanngorniunnerat nuannarineqartoq - Schweizimi

Sapaatit akunnerata naanerani G44-mit FC Malamuk ajugaaffigineqarpoq tamannalu schweizermiut tusagassiorfiisa angisuut tallimat nettiminni ilangutassiiffigaat.

G44-p aamma FC Malamuk ajugaanniutivillutik unammineranni asseq. Assiliisoq: Saalamiit Møller Lorentzen

Schweizimiut tusagassiorfiisa angutit isikkamik arsartartut Nunatsinni Pissartanngorniunnerat tusarsimavaat, tamatumunnga pissutaavoq Branding Greenlandip Tysklandimi tusagassiisartuata, tyskit, schweizimiut aamma østrigimiut tusagassiorfiinnut naatsumik tugassiutitigut nalunaaruteqarnera.

Tusagassiorfiit eqqaavaat isikkamik arsarnermi anngunniulluni unammisaqattaarnerit nunarsuarmi sivikinnersarigaat, kiisalu Kalaallit Nunaat FIFA-mi aamma UEFA-mi unammisaqattaarnernut peqataasanngitsoq.

Branding Greenland tassaavoq Nunatta nunat tamalaat akornanni imminut ataatsimut nittarsaassisarfia. Ataatsimut nittarsaassisarfik 2005-imi pilersinneqarpoq Namminersornerullutik Oqartussat aamma inuussutissarsiutinik ingerlatsisut suleqatigiinnerisigut.

Powered by Labrador CMS