Mittarfiit ammasumik oqaluuserissavagut

Jens B. Frederiksen sumiiffinni soqutigisat tunngavigalugit aaqqiipallattaqattaarani nunatsinnili angallannermik ataqatigiissumik pilersitsiniarpoq.

Greenland Venturep namminersortullu aningaasaliisut Nuummi miittarfik talliniarlugulu illutai alliniarpaat. Ass. Thomas Riis

– Mittarfiit qulaaniit isigaluta ataqatigiissumik aaqqiivigissavagut, angallannermut naalakkersuisoq Jens B. Frederiksen, Demokraatit, Sermitsiamut oqarpoq.

Periarfissat tamaasa ammatillugu nunatsinni angallannermut iluaqutaasussamik naalakkersuisut aaqqiinissaat kissaatigigamiuk.

Greenland Venture A/S sumiiffimmilu aningaasaliiniartut Nuummi mittarfiup 950 meteriniit 1.199 meterinut tallineqarnissaanik pilersaarummik augustimi naalakkersuisunut saqqummiussiniarput.

– Greenland Venturep Naalakkersuisut akuersitereerniaraluarpai, uangali taamaalioreersinnaanngilanga, Jens B. Ferderiksen oqarpoq.

Sermitsiaq nr. 29 atuaruk.

Powered by Labrador CMS