Ilulissani meeqqat sammisaqartinneqartut
Meeqqat inuusuttuaqqallu sap.ak. naanerani sammisaqartinneqarput, ilaatiut meeqqeriviit pinnguartarfiini aserorterisarneq akiorniarlugu.sammisassaqartinneqarnerat
Ilulissani Meeqqanik inuusuttuaqqanillu avatagiisinik sullissisut Ulúnguaq, Pilutaq, Olinelu Pitsaaliuinermi allaffimmiit meeqqat inuusuttuaqqallu aasaanerani assigiinngitsunik sammisaqartitsipput.
Meeqqat inuusuttuaqqallu Oqaatsuni neriniartarfimmi ulloqeqqasiorteriarlugit Oqaatsuniik Ilulissanut pisuttinneqarput 22,5 km. Silagissiorluarlutillu 6 tiimit 41 min pisussimapput.
Meeqqat inuusuttullu piumasut Pitsaaliuinermi allaffiup eqqaani grillerillutillu, silami pinnguarineqarsinnaasumik qalipaallutillu suliaqartinneqarput. Meeqqat inuusuttuaqqallu qalipaapput skakerfissaq aammalu Ludorfissaq. Taakkua silami kikkulluunniit pinnguarisinnaassuaat naammassippata.
Pinnguarfissat suliarineqarput maanna meeqqeriviit pinnguartarfianni meeqqat pinnguartartut unioqqutitsillutik amerlingaluttuinnarmata, aammalu aserorterinerit annertusiartuinnarmata, pitsaaliuinermut allaffimmi pisortaq Helga Nielsen nassuiaavoq.
- Paaqqinnittarfiit matoqqanerani pinnguartaarfii pinnguarfigineqaqqusaanngillat, aserorterisoqarpat angajoqqaat akisussaaffigissuaat. Taamaattumik angajoqqaat suleqatisseraagut meeqqatik paaqqinnittarfiup eqqaani pinguaqqunaveersaaqqullugit.
Meeqqat inuusuttuaqqallu ataasinngorpat Ilulissaniit »Uujummiunut« unnuiartorlutik pisutsinneqassapput, unnuereerunillu utimut aamma pisussallutik.