Air Greenlandip malittarisassat allanngortippai suliumajunnaarnermik eqqugaasut eqqarsaatigalugit

Siusinnerusukkut ilisimatitsissutigineqareersutut Air Greenlandimi timmisartuni saqisut, isumaqatigiissutit nutaat isumaqatigiinniutigineqarneranni isumaqatigiissuteqartoqarsinnaannginnera pissutigalugu. naatsorsuutigineqarpoq 23. juuli aallartittumik suliumajunnaarnissaat piviusunngussasoq.

Ippassarli sapaatiummat ilaasussat sisamanngornermi aallartussat periarfissaqarput aallarnissamik ullumut allamut nuunnissaanut inissaqartitsineq apeqqutaatillugu. Maannakkut periarfissaq taanna annertusineqarpoq ilaasussat ataasinngorneq 27. juuli ilanngullugu aallarnissaminnik pilersaaruteqartut, maannakkut taakku qanoq ittumilluunniit billetsisisimagunik periarfissaqalerput angalanissartik allanngortissinnaallugu imaluunniit taamaatiinnarsinnaallugu taamaalillutillu aningaasat akiliutitik utertillugit.

Air Greenlandimit naatsorneqarsinnaanngilaq suliumajunnaarnerup qanoq sivisutiginissaa, kisianni ingerlatsiviup kissaatigaa sullittakkani periarfississallugit angalanissaminnik ullumut allamut nuussinissaannut, apeqqutaatillugu aallarnissami tassani inissaqartitsisoqarnersoq.

Air Greenland tusagassiutitigut nalunaarummi taamatut allappoq.

Air Greenlandi toqqaanartumik attaveqarfigineqarsinnaasumik oqarasuaammik pilersitsivoq normoraalu 34 33 44, ilaasussat suliumajunnaarnermik eqqorneqartut tassunga saaffiginnissinnaapput. Taamatuttaarlu mailikkut allattoqarsinnaavoq uunga kontakt@airgreenland.gl.

Powered by Labrador CMS