Ingerlaqqissinnaajunnaaruit Air Greenlandip akilissavaa
Illit illoqarfimmi najugaqarfiginngisanni ingerlaqqissinnaajunnaassagaluaruit taava unnuiffissat aamma nerisaqarnissat Air Greenlandimit isumagineqassaaq.
Air Greenlandip timmisartuni saqisuisa suliumajunnaarnissaat piviusunngussagaluarpat, taavalu tamatuma kingunerisaanik Danmarkimi imaluunniit Kalaallit Nunaanni - tassalu illoqarfimmi illit nammineq najugaqarfiginngisanni, taava Air Greenlandip ilaasunut ingerlaqqissinnaajunnaartunut sumiinneranni aningaasartuutit matussusissavai.
Taamak ilisimatitsipput Kalaallit Nunaanni Atuisartut Siunnersuisoqatigiivi tamannalu Air Greenlandimi tuniniaanermut aamma nittarsaassinermut pisortaanit Christian Keldsenimit uppernarsarneqarpoq:
- Suliumajunnaarneq tamakkerlugu akunnittarfimmi ineqarnissaq aamma nerisaqarnissamut bilitsit ullut tamakkerlugit isumagissavagut. Kiisalu soorlu assersuutigalugu ikinngutini aamma ilaquttani najugaqaraanni, taava aningaasartuutaanerusimasunut uppernarsaatit tigoqqaassavagut, aningaasartuutaanerusimasut utertinneqassappata.