Inuusuttut aningaasanoorumatuut
Kalaallit Nunaanni ilisimatuut misissuinerisa takutippaa inuusuttut utoqqarnit amerlanerusut aningaasanoorumatuujusut.
Aningaasanoorneq Kalaallit Nunaanni nuannarineqartorujussuuvoq. Kalaallit Nunaanniinnaq 175-inik spilleautomateqarpoq (aningaasanoorutit), aningaasanoorusussuseqarnerpullu pissutigalugu landskarsi akitsuutitigut marlunnik kisitsisitalinnik millionilinnik isertitaqartarpoq. Aningaasanoortarneq pillugu misissuinerup takutippaa Kalaallit Nunaanni inuusuttut utoqqarnit amerlanerusut aningaasanoornermik pinngitsoorsinnaanngitsut.
– Ukioqqortussuseq aningaasanoornermillu ajornartorsiutit ataqatigiisikkutsigit, inuusuttut utoqqarnit amerlanerusut inuunerminni piffiup ilaani aningaasanoornermik pinngitsoorsinnaasimanngillat, ph.d-mik ilinniagaqartoq Christina Viskum Lykten Larsen oqarpoq, taannalu suli ukiuni marlunni misissuissaaq ph.d-mi ilisimatuutut allaatigisassami naammassinissaanut.
Nunatsinni innuttaasut 77 procentii ukiup kingulliup ingerlanerani arlaannik aningaasanoortarsimapput, aningaasanoortartullu tamakkua 30 procentii sapaatip akunnikkaartumik aningaasanoortarput.
Sinnera Sermitsiaq normu 30-mi atuaruk.