Kalaalleq ilisimatusartoq nersorneqartoq

Ph.d.-inngorniarluni ilisimatusarnermik ingerlatsisoq Christina Viskum Lytken Larsen Peqqissaanermik Ilisimatusarfimmeersoq, Peqqissaanermik Ilinniarfimmi, PI, issittumi peqqinnissaq pillugu isumasioqatigiinermi Canadami Yellowknifemi akissarsitinneqarpoq.

Assiliisoq: Polfoto/Maria Fonafara

Jens Peder Hart Hansen Memorial Fundimi siunertaavoq nunarsuaq tamakkerlugu issittumi peqqissutsip ilisimatusarfigineqarnerata siuarsarneqarnissaa.

Christina Viskum Lytken Larsen akissarsitinneqarneranut tunngaviuvoq Kalaallit Nunaanni aningaasannanniarluni pinnguaatinik pinnguarumatunersuarmik misissuisimanini pissutigalugu. knr.gl allappoq.

Ilisimatusarluni suliaqarnermini paasiniarpaa, inuiaqatigiit inuit akornanni qanoq amerlatigisut ludomanimik nappaateqarnersut, tamatumalu kingorna nunami pineqartumi inuuniarnikkut aningaasaqarnermi ineriartorneq misissorlugu.

Siunertaavoq pinaveersaartitsinissaq siunertaralugu peqqinnissami pilersaarusiornissaq taamatuttaarlu ludomanimik nappaateqartut qanoq katsorsarneqarsinnaanerannit periarfissiinissaq.

Powered by Labrador CMS