ACU: Oqiliallaqaagut
Air Greenlandip timmisarsuini saqisut akornanni suliumajunnaarnissap pinngitsoortinneqarnera oqiliallassutigineqarpoq.
Annonse
– Nuannaarutigaarput illuatungeriit isumaqatigiissuteqarsinnaaneraq, ACU-mi (Air Greenland Cabin Union) siulittaasoq, Anders Mark Jensen, sisamanngormat Radioaviisimut oqarpoq.
Isumaqatigiissutip nutaap ilaasortanut taasissutigitinneqartussanngorlugu nassiussuunneqareermat, isumaqarpoq pissusissamisuunngitsoq isumaqatigiissutissatut siunnersuutip nutaaq sunik imaqarnersoq oqaatigissallugu.
Aperineqarami taamatut ingerlarsorsimaneq ACU-p aamma Air Greenlandip pisortaasa akornanni ajoqutaasimasoq, tamanna pillugu Anders Mark Jensen, oqarpoq:
– Qularutissaanngilaq uagut tamatta pikkunartumik ingerlarsorsimanerput. Uagut imitsinnut isiginneriaaserput allanngorpoq, ACU-mi siulittaasoq naqissusiivoq.