Iqaluit timmisartorfigisalernissaat suli neriunartoqarpoq

Air Greenlandip suli canadamiut timmisartuutileqatigiiffiat First Air Candamut timmisartortalersinnaaneq pillugu isumaqatigiinniarusuppat. Suliniut Facebookimi tapersersorneqarpoq.

Nunavumi illoqarfiit pingaarnersaata aamma Nunatta akornanni 2001-imiilli aalajangersimasumik timmisartukkut attaveqarsimanngilaq. Assiliisoq: Polfoto/Beth Duff Brown

Apeqqut marlunngormat Air Greenlandip aamma canadamiut timmisartuutileqatigiiffiata First AIrip ataatimiinneranni eqartorneqartussaagaluarpoq aammattaaq peqataassalutik Nunavumi aningaasaqarnermut aamma angallannermut naalakkerssuisoqarfinni atorfilittat, knr.gl-imi allaaserineqarpoq.

Kisianni ataatsimiinnissaq taamaatiinnarneqarpoq maannakkorpiaq Air Greenlandi timmisartortitsinermi pingasunngorpat unnukkut sulimajunnaartoqarsinnaanera pillugu naammattunik suliassaqarmat.

– Kisianni imaanngilaq uagut Canadamut tunngatillugu suliniummut soqutiginnikkunnaartugut, knr.gl tunngavigalugu, taamatut oqarpoq Air Greenlandimi nittarsaassinermut pisortaq Christian Keldsen canadamiut nutaarsiassaqartitsivanut CBC Newsimut.

CBS News tunngavigalugu neriuutigineqarpoq timmisartukkut aqqut Nuuk-Eqaluit aappaagu upernaakkut pisiusunngortinneqarsinnaassasoq. Air Greenlandimit oqaaseqartut issuaaffigineqarput, aqqut pilersinneqassappat piumasaqaataassasoq kattuffiit aamma Nunavumi kiisalu Kalaallit Nunaanni nalakkersuisut pisussaaffeqarnissaat.

Timmisartukkut Eqaluit aamma Nuup attaveqalernissaat internettimi tapersersorneqarpoq. Tassami Facebook-gruppe aallartineqarsimavoq »Connect Iqaluit and Nuuk!« tamatumani siunnertarineqarluni attaveqalernissaq.

Attaveqaqaqtigiittartunut 2100-t ilaasortaapput.

Powered by Labrador CMS