Air Iceland utiinnarpoq

Timmisartoq Reykjavikimiit Nuuliartoq teknikkikkut ajornartorsiuteqarluni utiinnarpoq.

Air Icelandip marlunngornermi Keflavikimiit Nuummut timmisartuussinermi aallalaaginnarluni teknikkikkut ajornartorsiuteqarneq pissutigalugu utiinnarpoq.

Pilersaarutit naapertorlugit timmisartoq Keflavikimiit nal. 9.45 aallartussaavoq nalunaaqquttalli akunnerata affaanik kinguaattoorpoq. Nalunaaqqutaq 10.45 timmisartoq 30-nik ilaasulik Nuummut aallarpoq, timmisartulli qaffasissusissani suli nallinngikkaa, aquttoq nalunaarpoq timmisartoq teknikkikkut ajornartorsiuteqartoq minutsillu qulit qaangiummata timmisartoq Islandimut mippoq, tamatumuuna Reykjavikimi.

- Taamaasilluta nunarsuarmi nunap iluani timmisartuussinerit naannersarigunargaat Keflavikimiit Reykjavikimut ilaaffigaarput, ilami Keflavikimiit Nuuliartussaagaluarpugut ilaasut ilaat Nicolai Jacobsen sermitsiaq.gl-imut oqarpoq.

Ilaasussat maanna Reykjavikimi Nuummut aallarnissaminnut paasissutissinneqarnissaminnik utaqqipput.

Powered by Labrador CMS