Sakkutuut imarsiortut sungiusarput

Kangilinnguani sakkutooqarfik sungiussaaq USA-mik Canadamillu suleqatigiinneq ineriartortinniarlugu.

Alapernaarsuut

Sungiusarneq taaguuserneqartoq »Northern deployment« aggustip 25-aniit septembarip tallimaata tungaanut Pituffiup eqqaani ingerlanneqassaaq. Sungiusarnermi siunertarineqarpoq danskit, amerikamiut canadamiullu qullersaasa issittumi suleqatigiissinnaanerat.

Sungiusarnermi amerikamiut sakkutuui Thule Airbasemiittut suleqatigineqarsinnaanerat sungiusarneqassaaq, soorlu takornariartaasuarmik ajunaalersumik annaassiniarneq misilinneqassalluni. Aammattaaq canadamiut sikunik aserorterutaat »Henry Larsen« suleqatigineqarsinnaaneranik misiliisoqassaaq.

Sungiusarnermi umiarsuit alapernaarsuutit »Hvidbjørnen« aamma «Ejnar Mikkelsen« kiisallu timmisartoq Challenger danskit sakkutuuisa timmisartortartut timmisartuat peqataatinneqassapput.

Powered by Labrador CMS