Politiit: Qamilluarnissaa eqqanaarlugu
Qasigiannguani politiit nunami ikumatitsisartunut mianersornissamik kajumissaaruteqarput.
Sapaatip akunnerata naanerani Qasigiannguit kujataani Niisami nuna ikuallappoq aatsaallu sapaammi ullaap tungaa inneq ikummaqqikkaluaq qaminneqarluni.
Ikuallanneq grill-erivimmit ataasiartakkamit aalllartissimasorineqarpoq. Ikuallanneq arfininngornermi ulloqeqqata siorna aallartittoq siarualertorpoq erniinnannguarlu 500 kvadratmeteritut annertutigilerluni, immap sinaaniit nuna ilummut kilometerip missaaniittoq ikuallalluni.
Ikuallanneq qatserisartunit qaminneqaraluarpoq kingusinnerusukkulli ikummaqqikkami aatsaat sapaammi qatserisartut innermik qamitsiniaanerat iluatsippoq.
Politiit Qasigiannguani taama oqaluttuarput, kajumissaarutigalugulu nunami ikumatitsisimagaanni grill-erivinnilluunniit atuisimagaanni qimannginnerini qamilluarnissaat eqqanaarsimasaqqullugu.