Nuummi kommunip inissiaatai nutaat

Ukiut tallimat ingerlanerini Nuummi kommunip attartortitassaanik aatsaat inissialiortoqarpoq.

Nuummi kommunip attartortitassaminik inissialiai naammassingajalersut. Assi: Jørgen Chemnitz.k

Inissiat aqqaneq-marluk naammassipput attartortullu nutaat qaammatip ataatsip matuma siorna iserterput. Inissiat katillugit 48-t Akunnerit qaavani sananeqarput attartortussaajumaartussat kommunimi sulisuupput ilaallu inissiaatileqatigiiffimmi Iserimmi utaqqisut allattorsimaffianneersuupput.

Sanaartukkani inissiat 2, 4 aammalu 5-nik initaqarput qaammammut 3.178,- 4.891,- koruunit akornanni innaallagiaq imerlu ilanngunnagu akeqarput.

Powered by Labrador CMS