Avannaarsuata nunataa assiliorneqarmat
Qanga Kalaallit Nunaanni orpippassuaqarsimava illussaarsuaqarlunilu? Det Kongelige Bibliotekip aasaanerani saqqummersitsinerani takuniaallutit tamanna akissutisigut.
Kalaallit Nunaata qeqqani illussaarsuaqarpoq. Taannalu nigaliusamik nalunaaqutserneqarsimavoq nunap assiliortartup Johannes Mejerip nunamik assiliaani 1650-ikkut qeqqaneersumi. Taamak allaaserisaqartoqarpoq politiken.dk-mi Det Kongelige Bibliotekip aasaanerani saqqummersitsinera pillugu, taanna taaguuteqarpoq Kort, Myter og Fortællinger. (Nunap assingi, Oqaluttuatoqqat Oqaluttuallu).
Katersugaasivimmi takuniaanermi takuneqarsinnaapput timmissat timmisut, nanorsuaq amiilaarnartoq, amoroq aammalu issittumi uumasut allat kivikkat takullugit eqqarsaatigineqarsinnaapput Qalasersuarmut ilisimasassarsiortut siulliit suut takusarsimaneraat.
Nunap assingi qangali ilumoorullugit pinnguaatitullu atorneqartarput. Aqqutissamik innersuussutinik takussutissiinermik saniatigut nunap assingi tamatigut oqaluttualianik aamma oqaluttuanik ilaqartuaannarput, kiisalu suliarineqaqqaartaleramilli issittup nunataa ilumoortut ilumuunngitsullu tunngavigalugit takutittarsimavaat.
Arfanniat aamma niuffagiat kiisalu ilisimatusarnermik suliallit aamma danskit europamiullu ilisimasassarsiortut inuunertik navianartorsiortillugu siulliunipput sumiiffiit ilisimaneqanngitsut tikinniarlugit aamma nunatai assiliorniarlugit. Nunap assingini siullerni akkuttungitsumik tunngavigineqarput angalanerit piviusuunngitsut aamma inoqarfiit takorluuinerinnaat Qalasersuaq tikillugu piusut, kuuit nunap iluatigoortut Kalaallit Nunaat tamakkerlugu sisusut kiisalu qallunaatsiaat, oqaluttualiani uumasutut isigineqartut.
Saqqummersitsinermi pingaarnerit tallimat sammineqarput ilaatigut tassaallutik ilisimasassarsiortut siulliit kiisalu Kalaallit Nunaata nunataata assiliorneqarneri siullerpaat.
Nunap assingi immikkoorluinnartut, assit timmisartumiit assilisat, allaaserisat aamma nassaat akulerullugit saqqummersitsinermi toqqaannartumik oqaluttuarineqarput sinerissap assinga kingulleq titartarneqartoq, Kalaallit Nunaanni timisartut siulliit, ujarassiuut siullerpaa, kuultimik aamma orpippassuarnik qorsooqqissunik nassaarniarnerit allarparpassuillu.
Immaqa tamatuma tupaallannartuullunilu ilumoortup takkuitsoorneqarnissaa pinngitsoortinniarlugu qatangiinnarneqannginniassammallu. Kisianni eqqumiigisassat suli amerlanerupput, tassami Mejerip nunap assiliaani erseqqqissumik takuneqarsinnaapput Kalaallit Nunaat illoqarfippassuarnik ulikkaartoq, kiisalu puigornagit orpippassuaqarfiit nunamik tiffasissumi qalliisimasut.
Allatigut suna siunertaasimanersoq erseqqinngilaq tassami Johannes Mejerip oqaatigilluaannarlugumi nammineq isumannguani malillugu Kalaallit Nunaanni piviusut ilaartorsimagaangagit.