Kræfteqarlutik toqusut ikinnerusinnaapput
Kræfteqartut arlallit annaanneqarsinnaagaluarput peqqinnissaqarfimmi isumaginneqarluarnerusuguunik.
Kræfteqartut ilaasa nappaatertik toqqutiginagu nappaatit allat sanngiillinermik peqquteqartut toqqutigisarpaat, soorlu kaapajaarneq imaluunniit nuammik nipititsineq.
Tamanna paasineqarpoq nakorsap ph.d-llu Ramon Gordon Jensenip, Rigshospitalimi atorfeqartup, misissuinerani.
Misissuinerup takutippaa kræftimik nappaatillit Rigshospitalimi suliritereernermik kingorna nunatsinni peqqinnissaqarfimmi nakkutigineqarnerat ima ajortigisoq, allaat kræftimik nappaat toqqutaanani nappaatit allat, akiuussinnaassutsip millineranik peqquteqartut, toqqutaasarlutik.
Ramon Gordon Jensenip misissorsimavaa kalaallit niaqqumikkut toqqusaamikkullu kræfteqartut 1994-imiit 2003-mut Rigshospitalimi suliaritissimasut sooq taama amerlatigisut toqusartut, naak katsorsarneqarnerat allatulli pitsaatigigaluartoq.
Misissuinerup takutippaa kræfteqarneq kingusippallaamik paasineqartartoq, aammali paasineqarpoq napparsimasut nunatsinnut uteraangata nakkutigineqarnerat amigarpallaarujussuartoq.
Ramon Gordon Jensenip apersorneqarnera Sermitsiaq nr. 30-mi atuaruk...