EU-mik eqqartuussisulersuussineq ajornakusoorsinnaavoq

Kalaallit EU-mik eqqartuussisutigut suliassanngortitsissagunik taava tamanna Danmarkimit ingerlanneqartariaqassaaq, tassalu suliassaq imminerminut sammisoq ingerlatissallugu.

Assiliisoq: Thomas Borberg, Polfoto

Naalakkersuisut EU-mik suliassanngortitsinissaminnik nunarsuaq tamakkerlugu niueqatigiinnermi suleqatigiiffik WTO aqqutigalugu, tamaaliorniarnermut pissutaavoq EU-mit puisit amiinik eqqusseqqusiunnaarneq WTO-p malittarisassaanik unioqqutitsinerummat. Kisianni taamaattoqassappat taava Danmarki tassaasariaqarpoq Kalaallit Nunaat sinnerlugu suliamik ingerlatsisussaq, tamatumalu suliassamik ingerlatsinissaq ajornakusoortissinnaavaa, KNR radioaviisi allappoq.

Kalaallit Nunaat nammineq WTO ilaasortaanngilaq taamaattumillu EU-mik suliassanngortitsisinnaanngilaq. Taamatut Radioaviisimut nassuiaavoq danskit Nunanut Allanut Ministereqarfianni tusarfik nuimasoq.

– Taamaattumik Naalakkersuisut suliassanngortitsiniarlutik aalajangivippata, taava Danmarki tassaasariaqassaaq Kalaallit Nunaat sinnerlugu EU-mik suliassanngortitsisoq. Kiisalu taamaalisoqarpat taava Danmarki nammineq EU-mut ilaasortatut imatut inissisimalissaaq suliassaq imminut tunngasoq suliakkiissutigissallugu. Tamannalu uagut siornatigut misiginngisaannarsimavarput, taamaattumik tamanna immikkut illuinnartuuvoq, danskit nunanut allanut ministereqarfianni tusafik nuimasoq nassuiaavoq.

Powered by Labrador CMS