Dynamouz tusaamasanngorusupput
Nipilersoqatigiit marluk Dynamouz nukappissat Nuummeersut nalinginnaalluinnartuugaluarput. Rapertartuni ilisimaneqarput. Angusaqarnerorusuppulli.
Pilutaq Lundblad aamma Lassi Lennert nuannaartorujussuupput Tivolimi Plænenimi akunnerup affaani Dynamouz-itut rapperlutik tusarnaartitsereernermik kingorna.
Kiagunnerat kiinaannit kuuppoq, timaannilu adrenalini ingerlapiloortoq takuneqarsinnaangajappoq.
- Takugakku issiavinni utoqqarpaaloqartoq eqqarsarpunga: Eqqanaraluttuaq.
Taamatut oqaluttuarpoq Pilutaq Lundblad, Tivolimi Plænenimi nipilersoqatigiit marluk siullermeersumik rappernermik takutitsinerat pillugu.
- Pikkusullutali nipilersorpugut inuillu peqataapput. Nuanneqaaq.
Eriarsukkamikkut tuluttut taallalikkut allaat kalaallit qiimmattartippaat, qiimmallannartunik rytmilerlutik, nipilersoriaatsip rappip ilisarnaataanik.
- Tuluttut erinarsorpugut pissutigalugu angusaqarnerorusukkatta. Kalaallisut erinarsussagutta ikittuinnaat paasissavaatigut. Tuluttut erinarsorutta angusaqarnerussaagut. Rapperneq tamakkiisumik ingerlakkusupparput.
Dynamouz pillugu sapaatip akunnerani tullermi annertunerusumik Sermitsiami atuarsinnaavutit...