Illersornissami pisortaq Pituffik pillugu pilersaaruteqarpoq
Danskit illersornissaqarfiata Pituffimmi mittarfik siunissami atorneqarnerunissaa kissaatigaa, soorlu immami annaassiniartarnermut aamma issittumi alapernaarsuinermut.
Annonse
Danskit illersornissaqarfiata Pituffimmi periarfissat atorluarnerunissaat kissaatigaat, soorlu mittarfik angisooq aamma talittarfissuaq. Illersornissamut pisortap issittumi danskit sakkutooqarnerisa annertusaavigineqarnissaat kissaatigaa.
– Illersornissaqarfimmi misissorniarparput tamanna ineriartortinneqarsinnaanersoq. Canada sanianiippoq Issittullu illersorneqarnissaanut annertuumik ineriartortitsiniarluni maanna iliuuseqaleruttorpoq. Canadamiut issittumi iliuuseqarnerunissartik eqqarsaatersuutigaat. Immaqa tamanna suleqatigiissutigisinnaavarput. Tamanna pillugu arlaanni assigiinngitsuni misissuiffiginiarpara, illersornissamut pisortaq Tim Sloth Jørgensen JyllandsPostenimut oqarpoq.