Mælkebøttenimut 1,1 millioni koruunit
Nuummi Mælkebøtten, Kalaallit Nunaanni Namminersortunit, Isumaginninnermut Naalakkersuisoqarfimmit 2009-mi ingerlatsinermut tapiissutinik 1,1 millioni koruuninik pissarsivoq.
2008-mi taamani naalakkersuisuusut Mælkebøtten ukiut pingasut isumaginninnermik suliaqartutut misiliutitut ingerlareermat paaqqinniffittut akueraat. Misiliutitut ingerlanneqarnerata nalaani aamma ingerlatsinermut tapiissutinik aningaasaliiffigineqartarpoq. Mannakkut aningaasat Mælkebøttenimut meeqqanut aamma inuusuttunut immikkut suliniuteqarnermut ingerlatsinermut tapiissutit aningaasaliissutaapput.
Forstander Kirsten Ørgaard oqaaseqaateqarpoq, uagut qujarusuutigisorujussuuarput Isumaginninnermut Naalakkersuisoqarfiup aamma Nuummi meeqqat inuusuttullu orniginartumik sumiiffissaqarnissaat kiisalu meeqqanut inuusuttunullu qimarnguik tapersersormassuk.
Isumaginninnermut Naalakkersuisoqarfimmiit ingerlatsinermut tapiissutit saniatigut taava Kommuneqarfik Sermersooq Mælkebøttenip ingerlanneqarneranut 2009-mi tapiissuteqarpoq. Mælkebøttenip ukiumut ingerlatsinermut aningaasartuutigai 7,1 millioni koruunit, aningaasaliissutillu tunniunneqartut illup patajaatsumik ingerlanneqarnissaa qulakkeerpaat. Tamakku saniatigut tungiuinermut ingerlatsiviup meeqqat Mælkebøttenip qimarnguianut inissinneqarsimasunut ulloq unnuamullu akiliuteqartarpoq, kiisalu aallarniisuninngaannit aningaasaateqarfinnut aningaasassarsiorneq ingerlanneqartuarpoq.
Mælkebøttenip pilersinneqarnissaanut sulissuteqartut tassaapput Red Barnet. Nuummi Lions Club, Nuummi Rotary Klub aamma Kalaallit Nunaanni Sulisitsisut Peqatigiiffiat.