Angerlamut fiisterialerpoq
Kultureqarnermut ilinniartitaanermullu naalakkersuisoq angerlarpoq allaffimminilu sivisuumik sulereerluni.
Kultureqarnermut aamma ilinniartitaanermut naalakkersuisoq sivisuumik allaffimmini sulereerluni angerlarpoq. Mimi Karlsen kingullermik 5. juuni Maniitsumi angerlarsimaffimminiippoq. Inatsisartunut qinersinereernermi naalakkersuisooqatigiit Nuummi katersuunnissaannut peqataassalluni aallaramili aatsaat uterfigilerpaa.
Tallimanngornermi unnukkut Sarfaq Ittummut ilaalluni angerlarsimaffimminut Maniitsumut uterpoq:
– Nalinginnaasumik ilinniartitsisutut aamma kommunalbestyrelsimi politikeritut manna allorneruvoq annertooq. Tamannami qineqqusaarutiginngikkaluarpara. Kisianni naalakkersuisunngornissaq oqallisigineqarmat imminut nassuerutigisariaqarpara kulturikkut ilinniartitaanikkullu sullissineq aalluttuarsimallugu. Tamanna inuuninni aallutariuarsimavara, taamaattumik eqqarsaatigalugu sungiutipallappara.
Kisiannimi, Nuummut angalanerup qaammammik ataatsimik sivisussuseqarnissaa ilimagisimanngikkaluarpaa:
– Aatsaat angerlalerpunga. Kisianni ilaquttannit ikinngutinnillu nalunngilara Maniitsumi tikilluaqquneqarluarnissara. Uima ikinngutimmalu takunissaat pissanngatigaara, taamaattumik fiistertoqarnissaa ilimagaara. Nuannissaqaaq, Mimi Karlsen oqarpoq.
Mimi Karlsen pillugu allaaserisaq atuarsinnaavat Sermitsiaq nr. 28-mi.