Qoornumi borgmesteri nutaaq toqqarneqarpoq
Arfininngormat Qoornumi borgmesterimik qinersisoqarpoq, nunaqarfimmi inuerussimasumi kina borgmesterinngornersoq takuuk.
Pisarnertut borgmesterissarsiortarneq, nunaqarfimmi inuerussimasumi Qoornumi ukiut tamaasa pisartoq arfininngormat ingerlanneqarpoq. Siorna John Rasmussen Qoornumi borgmesteritut toqqarneqarpoq. Ukioq manna "borgmesterip ujamia" Margrethe Sørensenimut ingerlateqqinneqarpoq, taannalu maanna imminut taasinnaanngorpoq "ningiu".
Borgmesterimut qinersinerup saniatigut Nive Nielsen aliikkusersuivoq. Inuusuttut Mellemfolkeligt Samvirke-meersut ilisaritinneqarput nunaqarfimmilu inuerussimasumi piumassutsiminnik sulinertik pissutigalugu ersaartaanneqarput. Pilersaarutit malillugit inuusuttut marlunngorpamiit Qoornumi erngup aqqutissaa nutaaq suliarissavaat.
Pisarnertut meeqqat "bamseløb"-imik arpatsinneqarput, bamsip illuanut uterlugulu.
Nuummi Politiit aamma najuupput. Gummibådiminnik Qoornup kangerliumarngani angalapput misissorlugu imigassartortoqarpallaarsimanersoq, tamannalu pivoq alkometerimik taaneqartartoq atotlugu, tassuuna takuneqarsinnaalluni inuk imigassartorsimanersoq imigassartorsimannginnersorluunniit. Politiilli ima ulapitsiginngillat, nunaqarfimmi inuerussimasumi ukiumootumik lotteri-mik ingerlatsinermi ikiuullutik.
Borgmester Margrethe Sørensenip assinga takuuk talerpia´tungaani.