Ullut sisamaat: Imaq atoruminartoq puigugassaanngilaq

Ilulissaniit Nuummut uterluni Sarfaq Ittuk ilaaffigalugu misigisaq avannamukarnermisuulli annertutigaaq, maannakkut ilisarisinnaalikkat nuannaarutaanerat iluunngartitsipput.

Iluliarsuit akornisigut Qeqertarsuarmut, kusanaqaluni imaani puttasutut isikkulik aamma tulluusimaarutigilaarlugu, nammineq aap taqqakkut ingerlaartup ilaa tassannga qeqertameersoq, iluliarsuarnik marengsitut isikkulinnik nammineq ingerlaartunik avatangiisilik.

Umiarsuup initaani malunnarsivoq aamma tamaani nammineq pisoqalersoq, panik inuusuttuaraq angerlarsimasutut misisimalersimavoq, kiisalu umiarsuarmi annertuumik atugarissaartuulluni misinnanngikkaluartoq, taamaattoq atugarissaarneruvoq - ingammik initat allat saneqquallugit, tamaanimi aamma takuneqarsinnaavoq nuannersumik tukattoqarnera.

Nammineq silarsuarisami inissisimanarpoq. Nutaarsiassanik tatisimaneqarneq qimallugu, qarasaasiat qimallugit, fjersynimi isiginnaagassiat titartagaasat terissatut nipillit isiginagillu illuatungaani nipituumik ingerlasut tusaanagit. Tusaasaq taamaallaat tassaavoq umiarsuup maskinaqarfiani nipi, umiarsuarmik kujammut ingerlaartitsisoq. Tamakku taamaallaat akornuserneqartarput ullormut 45-oriarluni initamut isertarnernik anisarnernillu, tummeqqat qummut ammullu, cafeteriamut kaffisoriartorneq, tassani issiatilluni avammut imaanut qinerneq timmiaqarsoralugu imaluunniit qaqqat isiginnaarlugit.

Anoraap peertarnera atisarneralu ilikkavinnarpoq. Seqerngup qinguai imaani silvitut qillertigisut kiattutut isikkoqaraluarput. Kisianni taamaattanngilaq sinerissami anorsaatillugu.

Taamaattumik eqqarsaatikka arlaleriarlutik Nuummiittarput, tamaaniippummi nasaq qilertilik, aaqqatit aamma qarlippat puigorsimasat. Tamakkumi nassatarinagit sinersorneq isumatusaarneruvallaanngilaq.

Ullut assigiinngitsumik ingerlapput. Ullaakkorsiornissamut makinneq, ullaakkorsiutitorpallaarneq, umiarsuup qaavanut anillanneq sinerissamut saneqquasatsinnut qinerneq, sooq nunap taamak angitigineranik qaqqartigineranillu eqqumiiginninneq. Kilisaammut saneqquttumut aalaterineq, tamatumunnga pissutaaginnarluni tamaaliorsinnaaneq, paasissutissiisarfiup arfeqarneranik paasissutissiinissaanut utaqqineq.

Maniitsumut pulajartornitsinni qaqqat akornisigut imatigut manissuinnakkut ingerlaartilluta, pilittaq akuersitipparput iginnaagassiaq Forrest Gump dvd-mut ikkutissagaa. Issiavinnut timmisartup issiaviitut ilusilinnut ingilluartiteruttortugut, oqarpallattoqarpoq:

– Siunitsinneq arferit..., tassalu Forrest Gump mikisoq isiginnaakkatsinni arpalluni aallaruttortoq.

Tassalumi aamma uagut uninngasinnaannginnatta arpalluta aallarpugt. Initat matui matoorartut tusaasinnavagut, inuit tummeqatigut saviminiusutigut arpappalupput, tassalu umiarsuup sinaatigut kussarterluta siulliuniuttarpugut arfeq oqaatigineqartoq takoqqaanniullutigu. Kiammita takoqqaassavaa.

Qaffasinnerusunik appasinnerusunillu, inuusunnerusunik utoqqaanerusunillu ataatsimoortitsisinnaasut tassaapput arferit. Kanngusuutiginagu immitsinnut qaneqaluta tattorliuulluta qinerpugut. Assiliiviit ikinneqarsimapput, kiisalu qinngutillit qinngusersaarput qamasuullutik. Arlarpullu suaarpaat AAJANNA, taava tamanna soorlu nipeqartartoq, Bjarne Riisip assiliissutit saallugit nassuermat: - Jeg har taget EPO. (EPO-mik atuisuusimavunga).

Assiliiviit toortarneqarput meqqat nillerarput nipaannaat YEEEEEEha, arfeq ingiaqatigilluinnarlugu, immap qaavani qatiggertoq aqqaqqillunilu.

Inuit assilisatik iluatsissimasut takoriarlugit tulluuttaraat. Kiisalu naak arferit ataatsimoorlutik ingerlaaraluartut - supineri sarpiilu suut tamarmik ersillutik, taava allaaserisamik uanga allattunga assilisakka tassa taamaallaat imaq. Kisianni imaq kusanaqaaq.

Nuummiit Ilulissanut uterlugulu angalaneq ullunik sisamanik sivisussuseqarpoq - ullunik tallimangajannik sivikippallaarluni, kisianni angalaneq inuunerup sinnerani eqqaamasassaq. Sumimi allamik tamatuminnga annertunerusumik neqerooruteqartoqarsinnaava? Tassami nunarsuarmi qeqertat annersaat sinerlugu angalavugut.