Innaallagialerisutut naammassisoq
Tuperna Heinrichip innaallagialerisutut ilinniakkani naammassivaa.
Annonse
Tuperna Heinrichip maannakkut ukiunik sisamanik sivisussuseqartumik innaallagialerisutut ilinniartitaaneq naammassivaa, imminullu innaallagialerisutut taasinnaanngorpoq.
– Tupernap tallimanngormat 3. juuli sulisitsisuminit Kitdlak Knudsenimit Nuummi Carl Lynge ApS-imi ilinniakkaminik naammissinerminut allagartani tiguaa, taamaalillunilu suliffeqarfimmi arnanik siullersaalluni innaallagialerisunngorpoq, Carl Lynge ApS-imi naatsorsuuserisoq nalunaarpoq.