Sermersuumi atuartut imerfittaarput
Kommuneqarfik Sermersooq atuartunut dunkimik imerfimmik akeqanngitsumik agguaassivoq, juunip aallaqqaataani nunani tamalaani meeqqat ulluat marlunnartinniarlugu.
Kommuneqarfik Sermersuumi atuartut tamarmik dunkimik imerfimmik tuniorarneqarput, avatangiisinut mianerinnittumik "Bio-Bottle"-mik, ataasinngornermi junip 1-anni meeqqat ulluannut atatillugu aammalu kommunit kattunnerat, sermersuaq itivillugu Kitaaniit Tunumut atasoq, malunnartinniarlugu.
Dunki liiterip affaanik imaqarsinnaavoq, allagartalerneqarsimammallu "Imeq mamaq" kommunip siunertarigunarpaa dunki imerfik imermik immerneqartassasoq, saftimiunngitsoq sodavandimiunngitsorlu.
– Kalaallit Nunaanni nuannaarutigisinnaavarput immikkut illuinnartunik imissamaateqaratta nunavippassuit usorisinnaasaannik. Imermik imeraangatta pinngortitap nukianik pisarpugut, borgmester Asii Chemnitz Narup tusagassiorfinnut allakkamini allappoq.
Dunkit imerfiit Meeqqat Ulluata missaani, ukioq manna piinsip aappaani pisumi, atuartunut 3.261-inut agguaanneqarput.
Bio-Bottle-mik taasaq pinngotitap piinnaanik sanaajuvoq, nungusinnaalluni. Atortussaq taanna ukiut 1-5-it ingerlaneranni nungusarpoq stoffinillu avatangiisinut ulorianartunik akoqarani.
– Pinngortitatta paarinissaa pingaaruteqarpoq, borgmesteri erseqqissaavoq.