Løkke’p Nunarput pilluaqquaa
– Qularutiginngilara danskit naalakkersuisuisa naalakkersunngortussat pitsaasumik tatigeqatigiiffiusumillu suleqatigissagaat, kalaallit qinersereerneranni statsministeri oqarpoq.
Nunatsinni saamerliit ajugaanerat statsminister Lars Løkke Rasmussenip (V) tikilluaqqunartippaa. Taamaalilluni namminersortunngortussanik, imaluunniit naalakkersuisunik, suleqatigiinnerup ajorsinissaa aarleqqutiginngilaa, saamerliusut IA taasinerit 44 procentii tunuliaqutaralugit naalakkersuisunngortussaasut.
– Inatsisartuni nutaani ilaasortanngortut pilluaqqorusuppata, namminersornermi nutaami siullersaasussaasut.
Maanna kalaallit politikeriisa naalakkersuisut katiternissaat aalajangissavaat. Qularutiginngilara danskit naalakkersuisuisa naalakkersuisunngortussat pitsaasumik tatigeqatigiiffiusumillu suleqatigiinnissaat, statsministeri Ritzau aqqutigalugu tusagassiuutitigut naatsumik nalunaaruteqarluni allappoq.
Ukiut qulikkaat pingasut pissaanermik tigumminnereersut peqquserluttoqartareersorlu qinersisartut naalakkersuisut siulittaasuat Hans Enoksen partiialu socialdemokratiskiusoq Siumut tunuppaat, ukiut 30-t matuma siorna namminersornerulerneq aqqutigalugu namminersulivinnissap tungaanut allariarnerni siullerni siuttuulersimasut.