Maasinnguaq Mølgaardip kapisilittani akissarsissutigigaa
Nunarsuaq tamakkerlugu kapisilinnik sammisallit kattuffiata NASCO’p Maasinnguaq Mølgaardip Sisimiuneersup kapisilittaa pillugu akissarsitippaa.
Sisimiuneersup Maasinnguaq Mølgaardip kapisilittami meqqia Pinngortitaleriffimmut nassiussimagamiuk akissarsissutigaa, Namminersornerusuni Aalisarnermut, Piniarnermut Nunalerinermullu aqutsisoqarfik ilisimatitsivoq.
Kapisillip nungutsaaliorneranut Atlantikup avannaamiut kattuffiat, NASCO, kapisillit meqqiinik nassiussisut akornanni makitsinikkut ukiut tamaasa akissarsisitsisarpoq.
Nersorneqarnerup saniatigut Maasinnguaq Mølgaard NASCO’mit akissarsitinneqarpoq amerikamiut dollariannik 1.500-nik. Kapisillip meqqia kapisilimmeerpoq Canadami Restigouche River-imi 2007-imi nalunaaqutserneqarsimasumit.
NASCO (North Atlantic Salmon Conservation Organistation) kattuffiuvoq Atlantikup avannaani kapisillit pinngortitami uumasut tammatsaaliorneqarnissaannik kissaateqartoq. Kapisillit meqqiinik utertitsisarneq kaammattuutiginiarlugulu NASCO kapisillit meqqii pillugit suliniuteqarpoq. Kapisillit pisarineqartarnerat ingerlaartarnerallu ilisimanerulerniarlugit nalunaaqutsersorneqartarput.
Nunatsinni kapisillit meqqii Pinngortitaleriffimmut nassiunneqartassapput, Namminersornerusut erseqqissaapput.