NAPA suliniutinik toqqaavoq
Kulturikkut suliniutissatut isumassarsiatsialaat pingasut toqqarneqarput, NAPAp workshpsit ingerlallugit angalaareerneratigut.
NAPAp Paasissutissiniarluni Workshopsinik ingerlatsinerani peqataasut 30-t akornanni ajugaasut pingasut toqqarneqarput. Ajugaasut immikkut tamarmik maannakkut 15.000 koruuninik tunineqarput suliniuminnut tapiissutisillutik, suliniutiginiakkamik pilersaarusiorlugu allaaserisaqarsimanertik tunngavigalugu, NAPA ilisimatitsivoq.
Toqqarneqartut tassaapputr:
Uummannaq:
Uummannami erinarsoqatigiit v/ Pollas Lyberth. Kulturikkut paarlaateqatigiinneq Kalaallit Nunaat, Savalimmiut aamma Sverige.
Sisimiut:
Taseralik v/ Arnajaraq Støvlbæk. Uppercut Danseteater aamma inuusuttunut breakdans pillugu Workshops.
Nuuk:
Jim Milne. Nipi Ilinn! DVD kalaallit oqaasii atorlugit atuarfinnut saqqummersitsinniagaq. DVD-ikkut guitarernermik ilinniartitsineq.
NAPAmi atorfilik piffissami maajip 12-ianiit 28-ata tungaanut 2009 paasisitsiniaalluni illoqarfinnut ukununnga Sisimiut, Nuuk, Qaqortoq aamma Uummannaq angalavoq. Workshopsini siunertarineqarpoq paasissutissiinissaq aamma kulturikkut suliniutilinnik aningaasaateqarfinnut tapiiffigitinniarluni qinnuteqarnissanut tapersersuineq kiisalu suliniutigisat allaaserinerannik aamma suliniutit isumasassarsiarisat saqqummiunnissaannik ineriartortitsineq.