Qaanaami sulisitsisut aarleripput
Illuliassat qulit qinersinikkut unitsinneqarput, illoqarfimmi sanasut ukiuni marlunni suliaqarpianngereersimasut suliffissaarunnissartik aarleqqutigaat.
– Siorna annikitsualuinnarnik suliaqarnikuuvugut, upernaalu manna tankip imiisivissap toqqavissaa suliaralutigulu taamaallaat arlalinnguanik kussiorpugut.
Kim Fritze sanasut suliffiannit Fritze & Søn-imeersoq oqarpoq.
Naalakkersuisut siulittaasuat Hans Enoksen Qaanaami 14 millioner kronit atorlugit qulinik illuliortoqarnissaanik neriorsuisimagaluarpoq, taakku illoqarfimmi assassorlutik sulisartut 20-it ukiut aappaat avillugit suliarissammatigit.
Aprililli 15-ianni qinersisissanngortitsinikkut naalakkersuisut qanoq iliuuseqarpiarsinnaajunnaarsimapput, sapaatillu akunnerini utaqqiisaannaagallartumik naalakkersuisuusimallutik.
Taamaattumillu naalakkersuisut siulittaasorigallagaata Hans Enoksenip Qaanaami illuliassat nutaanik naalakkersuisunngortitsisoqareerpat aatsaat aallartinneqarsinnaanerarsimavai.
Tamatumunnga peqqutaavoq Qaanaami illuliassat qulit nunaqarfinnut isorliunerusunullu pilersaarutit immikkut ittut 2007-meersut atorlugit sananeqartussaammata, taamalu politikikkut aalajangiunneqartussaallutik.
– Aarleqqutigaarput qinersinerup illuliassat kinguartiinnarnagit unitsivissussagai, Kim Fritze Sermitsiamut oqarpoq.
Allaaserisap sinnera Sermitsiami normu 23-mi atuaruk....