Ullumi suleqatissarsiorneqalissaaq
IA-mit inuit pingasut partiinik ataatsimeeqatinneq aallartippoq nalunaaqutaq ataatsimut. Siumut siullersaalluni isertinneqassaaq.
IA sulilluni aallartissaaq pingasunngornermi ullaap tungaa nalunaaqutaq aqqanermut, Kuupik Kleistip inatsisartuni gruppi nutaaq siulersuisuunerillu naapeqatigalugit, naalakkersuisuni nutaani suleqatigisinnaasat pillugit periusissat oqallisiginiarugit. Tamanna pissaaq Namminersornerusuni IA’p partiitut allaffiani.
Kingusinnerpaamik nalunaaqutaq ataatsimut IA-mit inuit pingasuullutik paartiit assigiinngitsut isertittassavaat. Siulliussaaq Siumut oqaloqatigiinnissamut aggersarneqarsimasoq, angutit tassaallutik partiimi siunnersorti Hans Pavia Egede, Hjalmar Dahl, siulersuisuunernut siulittaasuusoq, kiisalu Kuupik Kleist, inatsisartunut qinersinermi ajugaasoq.
Tullinnguutissapput Demokraatit, Atassut aamma kingulliullulnilu Anthon Frederiksen Kattusseqatigiit Partiiannit.