Ullumi suleqatissarsiorneqalissaaq

IA-mit inuit pingasut partiinik ataatsimeeqatinneq aallartippoq nalunaaqutaq ataatsimut. Siumut siullersaalluni isertinneqassaaq.

Kuupik Kleist, IA, inatsisartut gruppiani nutaami 14-inik ilaasortaatitaqarluni Inatsisartuni qinikkanik 31-nik ilaasortaqartumi amerlanerussuteqarniarluni suleqatissarsiussaaq. Partiinik oqaloqatiginninneq pingasunngornermi nalunaaqutaq ataatsimut aallartissaaq. Ass.: Polfoto/HEIDELBERG FINN

netredaktion (netredaktion@sermitsiaq.ag)

pingasunn 03. juu 2009 00:47

Annonse

IA sulilluni aallartissaaq pingasunngornermi ullaap tungaa nalunaaqutaq aqqanermut, Kuupik Kleistip inatsisartuni gruppi nutaaq siulersuisuunerillu naapeqatigalugit, naalakkersuisuni nutaani suleqatigisinnaasat pillugit periusissat oqallisiginiarugit. Tamanna pissaaq Namminersornerusuni IA’p partiitut allaffiani.

Kingusinnerpaamik nalunaaqutaq ataatsimut IA-mit inuit pingasuullutik paartiit assigiinngitsut isertittassavaat. Siulliussaaq Siumut oqaloqatigiinnissamut aggersarneqarsimasoq, angutit tassaallutik partiimi siunnersorti Hans Pavia Egede, Hjalmar Dahl, siulersuisuunernut siulittaasuusoq, kiisalu Kuupik Kleist, inatsisartunut qinersinermi ajugaasoq.

Tullinnguutissapput Demokraatit, Atassut aamma kingulliullulnilu Anthon Frederiksen Kattusseqatigiit Partiiannit.

nunatsinnit inuiagatigiit