Hans Enoksen tunuarpoq
Siumut partiiata siulittaasua ukiuni arfineq pingasuni siulittaasooreerluni tunuarpoq. Alla sassartariaqalerpoq, oqarpoq.
– Qinersinerup inerneri ajorinngilara, maalaarutissaqanngilanga, qinersisartut aalajangeereerput naliliinerallu ataqqivara, demokratiip atugassarititai taamaapput, partiimi siulittaasuujunnaalersoq partiimi namminerlu ajorsarnermik aqaguani oqarpoq.
Taamaammat ualeru Siumup siulersuisuuneri sisamanut ataatsimiinneranni soraarniutini tunniuppaa.
– Nunaqarfinnut Itillimut angerlarniarpunga, taamaammat Siumumi siulittaasutut ingerlaqqissinnaanngilanga. Siulittaasup Nuummi najugaqarnissaa pingaaruteqarpoq, taamaammat siulersuisuunerit aalajangissapput siulittaasuuneq kimut tunniutissanerlugu, Hans Enoksen oqarpoq.