Isumaginninnermi ikiortit nutaat 21-t
Ilulissani Perorsaanermik Ilinniarfimmit isumaginninnermi ikiortinngortut 21-t ullumi juunip aqqarngani ukiut marluk ilinniareerlutik allagartartaarput.
Annonse
- Inunnik isumaginninnermi ikiortinngortut ukiup affaata missaani ilinniarfimmi atuarput, ilaquttatik ikinngutitillu - kiisami orniligaat - tamarmillu angerlarnissaminnut pissangaqaat, Perorsaanermik Ilinniarfiup /Socialpædagogisk Seminariumip, PI/SPSip, rektoria Nuka Kleemann.
Nuka Kleemann ilisimatitsivoq isumaginninnermi ikiortinngortut ilinniarnissaminnut piumassuseqarluarsimasut, suliffissaaleqilernavianngitsullu isumaginninnerup iluani ilinniarsimasunik amigaateqartoqaqimmat.
Ikiortinngorlaat nutaat soraarummeernerminni angusarissaarsimapput, Perorsaanermillu Ilinniarfiup tungaanit neriuutgineqarpoq suliamik iluani ilinniaqqissasut, tassuuna aamma periarfissaqarluarmat.