Napparsimasut angerlarsimaffeqanngitsut

»Hotel Nuuk« napparsimasut sinerissameersut Nuummi Dronning Ingridip Napparsimmavissuanut unikkiartoraangamik angerlarsimaffigisarpaat. Qanittukkulli taamaagunnaassaaq.

Allaffissornermi qullersaq Ann B. Kjeldsen sapaatip akunnerani kingullermi nappaanersiornermi, tassanilu paasinarsivoq napparsimasut hotelissaannut akissaqartoqanngitsoq. Ass.: Jørgen Chemnitz.

2006-imi ukiakkumiilli Dronning Ingridip Napparsimmavissua allineqassamaalerpoq. Peruluttunut saaffiginnittarfik, nakorsiartarfik nutaaq napparsimasullu hotelissaat sananeqartussaallutik, taakkuli akissaqartinneqanngillat.

– »Hotel Nuuk«-mi napparsimasunut hoteleqarnikuuvugut, taannali 2012-imi attartorunnaartussaavarput, napparsimmavissuup allaffissornerani qullersaq Ann B. Kjeldsen Sermitsiamut oqarpoq.

Imaappoq 2011-ip naaneraniit napparsimasut sinerissamiit Nuummut unikkiartortut angerlarsimaffissaarutissapput.

Sermitsiaq nutaaq atuaruk...

Powered by Labrador CMS