SIK: Naalakkersuisut oqaatsit pillugit inatsit unioqqutippat
Sulisartut kattuffiata siulittaasuata Jess G. Berthelsenip naalakkersuisooqatigiit nutaat isornartorsiorpai oqarluni Namminersornerup tunngaviisa ilaannik unioqqutitsissut, tassa »Kalaallit Nunaat nammineq oqaatsit atorlugit aqunneqassasoq«.
- SIK isumaqarpoq talkusinnaallugu naalakkersuisunngortitsilernermi nunagisami maani nammineq oqaatsit atorlugit aqutsineq siulersorneqarnissarlu maanna tunulliunneqarlersoq. Taamak allappoq Jess G. Berthelsen pingasunngonermi ualigaa.
- Tamanna SIK-mit assorsuaq avoqqaarliutigerusupparput piumasarivarpullu inuiaqatigiit kalaallit inunnuuseralugu oqaatsitik pillugit paatsuugassaanngitsumik peqqusinerat naalakkersuisunngortitsilernermi ataqqineqaqqullugu!
- Kalaallisut oqaasitta Nunatsinni pisortatigoortumik oqaasiulernerat sapaatit akunnerata tulliani Inuiattut Ullorsiornissatsinni persuarsiutigalu atorluulersissavagut. Taamaakkaluartoq naalakkersuisunngortitsilernermi nunagisami maani nammineq oqaatsit atorlugit aqutsineq siulersorneqarnissarlu maanna tunulliunneqarlersoq paasilerparput, Jess G. Berthelsen allappoq.
Tusagassiorfitsigut nalunaaruk tamakkerlugu talerpiuk tungaani atuaruk.