Kunngikkormiut viinniannik misiliinissaq
Juunip 20-ianni viinninik Chateau de Cayx-imit iggiserlugit nerersuarnissami nerisassat katiterneqarput.
Club Vino, pisiniarfiutileqatigiiffiup Pilersuisup viinninut klubbia, nalunaarpoq arfininngornermi junip 20-ianni Nuummi Restaurant Nipisami viinninik misiliinissami inissat tamarmik nungussimasut.
Club Vino-p kunngikkut Frankrigimi illussaarsuannit, Cahors-imi Chateau de Cayx-imit viinnit pitsaasut arlallit ilisaritissavai, viinniliortullu, Kunngikkormiutut Ataqqinassusillip Prinsip, viinnit nammineq oqaaseqarfigisassavai.
Dronningi Prinsilu Nuummiissapput sapaammi juunip 21-ianni namminersornerup eqqunneqarnissaanut atatillugu.
Akerlianik kingorna neriorsuarnissami suli inissaqarpoq, nerersuarnermilu tassani Restaurant Nipisa nerisassanik katiterissaaq, viinninik Chateau de Cayx-ineersunik iggiseqartussanik.
Siuleqqiutit: Eqaluk pujuugaq, asparges qorsuit, naatitanik nutaanik salati.
Pingaarneq: Tuttup, aqissip umimmaallu neqaat siatat. Kuanninik mangochutney-nillu akullit. Pommes Ejvind rødvinssauce-erlugit.
Immussuit: Immikkut toqqakkat.
Kinguleqqiutit: Koldskål á la Nipisa. Koldskålsorbet hyldeblomstilik kammerjunkerilillu, nutaanik paarnalerlugit.
Nerersuaqataaneq 649 koruuneqarpoq, taakkunganna 100 koruunit Kalaallit Meerartaannut nakkartinneqassallutik.