Sermersuup naqqani uumasut
Amerikarmiut ilisimatusarnermik suliallit qanga uumasuaraasimasut, Kalaallit Nunaata sermersuani kilometerinik pingasunik itissusilimmi nassaarineqarsimapput, uummarteqqissimavaat.
Ilisimatusarnermik suliallit Pennsylvaniami Universitetimeersut uumasuaraaraqqat uummartinniarnerat iluatsissimavaat, taakku kalaallit nunaata sermersuata iluarni kilometerinik pingasunik itissusilimmiit qaninneqarsimasuupput. Politiken allappoq.
Uumasuaraaraaqqat minnerpaamik ukiunik 120.000-inik pisoqaassuseqarput, kisianni suli pisoqaanipilorujussuusinnaapput, ilisimatuut pisortaat Jennifer Loveland-Curtze nalunaarpoq. Uumassuseqartut silaannarsuami atugassarititaasut ajorluinnartut avatangiiseralugit uumasinnaassanerisa nassuiarsinnaanerannut nassaarineqartut iluaqutaasinnaapput.
Uumassusilinnik taakkuninnga pisoqaalluinnartunik ilisimatuut uummarsaaleramik assorsuaq mianersorput. Qaammatit aqqanimarlussaat affaata ingerlaneranni bakteriat tappiorarnartut uunnaruusaarpaat.
Naggataatigut misileraaneq kiisami iluatsippoq: Taaku mikisuararsuit taaguuteqartut brunlilla Herminiimonas glaceiei misissuisarfimmi bakterianut tukertitsivinni amerliartulerput.
»Taamatut nillernerujussuata sananeqaatit celler aamma dna ukiuni millionerpassuarni piutissinnaavai. Herminiimonas glaceiei tassaavoq uumasuaraaraq ilisimatuussutsimik misissuisarnerit tunngavigalugit nassuiaatigineqarsimasoq kiisalu taannatuaalluni Kalaallit Nunaanni sermersuarmi nassaarineqarsimasoq«, tuluit nutaarsiassanik tusagassiiviat Press Association malillugu Loveland-Curtze nassuiaavoq.
Nassaarneq tunngavigalugu uumasuaqqat avatangiisini uumasoqarsinnaanngingajaffiusumi qanoq ilullutik piuinnarsinnaanerannut ilisimasassanik pingaarutilinnik pissarsinissamut iluaqutaasinnaapput.
»Taakku misissornerisigut taava uagut paasisaqarsinnaavugut, sananeqaatit celler avatangiisit taamak sakkortutigisut avangiiseralugit piuinnarsinnaanersut kiisalu allaat alliartorlutik, tassa ississutsimi 56-inik isitsigisumi, silaannaminnguaqartumi inuussutissaqanngingajavissumi assorsuaq naqinneqarsimallutik kiisalu inissaqanngingajavillutik«, ilassusiivoq.
Herminiimonas glaceiei inunnut uloriananngilaq. Qujanartumik tassami tassami tappiorarnartoq ima mikitigipput nalinginnaasumik misissuiffinni aamma napparsimavinni sillimaniarluni issingeersiviit ajornanngilluinnartumik aqqusaarsinnaagamikkit.
Taanna bakteriamik nalinginnaasumik taaguteqartumik Escherichia coli-bakteriami - taanna taaguuteqarluni E. coli ilisimaneqarpoq uloriagineqarlunilu - quliaammik aamma 50-eriaammik taakku akornanni mikineruvoq.
Qerisorujussuit nassaarineqarsimasut saqqummersittakkami International Journal of Systematic and Evolutionary Microbiology-mi saqqummiunneqarput.