Hotel Arcticimut ulloriaasat tallimat
Nunatsinni hotelinit kisiartaalluni Hotel Arcticip ataatsimiittarfia Horestamit ulloriaasanik tallimanik tulluusimaarutissarsisinneqarpoq.
Annonse
Ilulissani Hotel Arcticip ataatsimiittarfia HORESTA-p nalileeriaasia naapertorlugu ulloriaasanik tallimanik tunineqarpoq, taamatut allappoq horesta.dk. HORESTA tassa hotelit, neriniartarfiit aamma takornariaqarnermi nuna tamakkerlugu kattuffiat 2.000-ingajannik ilaasortaqartoq.
Nunatsinni kisiartaalluni Arcticip ataatsimiittarfia tallimanik ulloriaasaqalerpoq.
Hotelip ataatsimiittarfia 600 m2-isut angitigisoq 120-t tikillugit peqataasunut inissaqartitsivoq suullu tamaasa atortorissaarutit nutaaliat teknikkikkullu periarfissat ullumikkut pigineqartut tamaasa pigai. Soorlu assilissanut nipinullu AV-mik atortorissaarutit suut tamaasa.