Telemedicin aqqutigalugu katsorsaaneq
Socialrådmand Erik Simonsen, Odense angalaqatinili Upernavimmut tikipput illoqarfimmut Fynimiittumut ikinngutaasumut. Ilaatigut paasiniarneqassaaq telemedicin atorlugu periarfissat.
Odensemi Socialrådmand Erik Simonsen Kalaallit Nunaannut tikeraarpoq 18. juunimit 26. juunimut. Odense Universitets hospitalip maannakkut telemedicinimik ineriartortitsivoq, taannalu Kalaallit Nunnaanni aamma atorneqarsinnaavoq ilaatigut imigassamik ajornartorsiutilinnik katsorsaanermut, Fyn.dk allappoq.
– Odense Universitets Hospitalip ukiuni kingullerni arfinilinni arfineq-marlunni telemedicinimik ineriartortissimasani arlallit atulersimavai, tamakkulu tamarmik napparsimasunut neqeroorutaapput taakku sumiinneri apeqqutaatinnagit passunneqartarniassammata. Taamaattumik Odense Universitets Hospital taassaavoq Odense Kommune suleqatigalugu Kalaallit Nunaannik tikilluaqqusisoq telemedicinimut tunngatillugu suleqatiginninnissamut, tamatumunnga ilanngullugu imigassanik ajornartorsiutilinnik katsorsaanerit aamma piginnaasanik ineriartortitsinermik suliarilluakkanik videokonference atorlugu neqeroorutit, Fyn.dk allappoq.