Suli qulinik qipoqqarusupput
Naak akerliusoqaraluartoq Kalaallit Nunaat aamma ukiormanna Arfanniarneq pillugu Ataatsimiititaliarsuup ataatsimiinnerani qulinik qipoqqartassinneqarumalluni qinnuteqaqqissaaq.
Kalaallit arfattassaqaqqikkumanerat nammineq iluarinartinngisartik pissutigalugu uumasunik illersuiniaqatigiiffiit qisuariartalereerput. Kalaallit Nunaat tikaagullinnik, tikaagulliusaanik arfivinnillu pisassaqarerpoq.
– Tamanna (Kalaallit Nunaata kissaataa) nunap inoqqaavisa arfanniarsinnaatitaasariaqarnerattut isigineqartariaqarunnaarluni Issittut arfanniarfigeqqusaajunnaartariaqarnerannut ilaasutut isigineqartariaqalerpoq, illersuiniaqatigiiffiup »the Whale and Dolphin Conservation Dociety«p oqaaseqartartua nutaarsiassaqartitsivimmut AFP-mut taamatut oqarsimanerarneqarpoq.
Qipoqqartassaqarumaneq Arfanniarniartarneq pillugu Ataatsimiititaliarsuup, IWC-ip ukiumoortumik ataatsimiinnerani, ukiormanna Portugalip qeqertartaani Madeirami ataasinngorpat aallartittussami saqqummiunneqassaaq.
Kalaallit Nunaata aallartitaasa pisortaata Amalie Jessenip, aalisarnermut piniarnermullu naalakkersuisoqarfimmeersup, 75 procentinik amerlanerussuteqarnissap anguniarnissaa ajornakusuussanerarpaa. Minnerunngitsumik EU, siorna pisimanermisut ataasiinnarmik taasisinnaassuseqassappat. Nunat EU-mi ilaasortaasut IWC-mi ilaasortat sisamararterutaat sinnerlugit amerlassuseqarput.
Sermitsiaq nr. 25 atuaruk.