Prinsgemalen Mælkebøttenimut 200.000 kr.-inik tunissuteqarpoq
Prinsgemalen, Lionsimut illersuisuusup akissarsiaritinneqartussaq Danmarkimi, Savalimmiuni aamma Kalaallit Nunaanni Lionsklubbit sinnerlugit Mælkebøttenimut tunniutisavai, inunnik isumaginninnermik, ikiuiniarnermik imaluunniit kulturimik suliniuteqartunut akissarsiaritineqartartut ukiut tamaasa tunniunneqartarput.
Nalinginnaasumik akissarsiaritinneqartartut Fredensborg slotimi tunniunneqartarput, kisianni ukioq manna Prinsgemalep akissarsitinneqartut najugaanni, tassalu Nuummi meeqqanut aamma inuusuttunut illumi Mælkebøttenimi tuniunniarpai, tamanna arfninngorpat 20 .juuni nal. 15.10 - 15.50 ingerlanneqassaaq.
Tuniussineq Kunngikkut Kalaallit Nunaannut, Namminersornerup eqqunneqarneranut atatillugu tikeraarnerat iluatsillugu tuniussineq aaqqissuunneqarpoq.
Mælkebøttenip pisortaa cand. psych. Kirsten Ørgaard akissarsiaritinneqartumik tigusisuussaaq najuutissallutik Mælkebøttenip siulersuisui aamma Danmarkimi kiisalu Kalaallit Nunaanni Lionsimeersut. Ilaqutariinnermut naalakkersuisunngorlaaq Maliina Abelsen, Inuit Ataqatigiit, aamma najuunniarpoq takutinniarlugu Namminersornerullutik Oqartussat Mælekebøttenip suliniarneranik nersorinninnera takutikkusullugu.
Akissarsiaritinneqartartoq tunniunneqarpoq Mælkebøttenip pisortaasa aamma sulisuisa Nuummi meeqqanik inuusuttunillu, orniguffissaminnik, qanilaarfigineqarnissaminik ataatsimooqatigiiffissaminik, allanik misigisaqalaarnissaminnik, nerisaqarnissaminnut aamma immaqa siniffissaminnik atorfissaqartitsisunik, angerlarsimaffimminni angerlarsimasinnaaneq periarfissaanngitsillugu, pisariaqartitsisunik suliniuteqarnerminni aallussilluarnerannik soqutiginnilluarnerannillu nersorinninnertut.